“𝐃𝐞𝐞𝐩𝐒𝐞𝐞𝐤” ជាកម្មវិធី Chat AI ជំនាន់ថ្មីរបស់ចិន ដែលកំពុងអង្រួនពិភពលោកក្នុងវិស័យ AI

ក្រុមហ៊ុនបណ្ដុះថ្មីផ្នែក AI របស់ចិន មានឈ្មោះថា “𝐃𝐞𝐞𝐩𝐒𝐞𝐞𝐤” (បង្កើតឡើងឆ្នាំ ២០២៣) បានបញ្ចេញនូវគំរូភាសាធំ (Large Language Model – LLM) របស់ខ្លួនដែលត្រូវបានទទួលស្គាល់ថាមានសមត្ថភាពល្អប្រសើរដូចគ្នា ឬអាចប្រសើរជាង បើប្រៀបធៀបជាមួយ ChatGPT ឬកម្មវិធី AI ជំនាន់ថ្មី (Generative AI) ផ្សេងទៀត ដូចជា Google Gemini ជាដើម ដែលកន្លងមកបានប្រកួតប្រជែងនៅសហរដ្ឋអាមេរិក។ 𝐃𝐞𝐞𝐩𝐒𝐞𝐞𝐤 ក៏ត្រូវបានប្រើប្រាស់ជាឈ្មោះកម្មវិធីឆាត AI នេះផងដែរ (AI Chatbot)។ ការណ៍នេះ ត្រូវបានគេរំពឹងថាវានឹងជះឥទ្ធិពលទៅលើការប្រែប្រួលភូមិសាស្រ្តនយោបាយផ្នែកបច្ចេកវិទ្យា។

ផ្អែកតាមការចេញផ្សាយលើបណ្ដាញសារព័ត៌មាន យើងឃើញមានចំណុចគួរចាប់អារម្មណ៍ ដូចខាងក្រោម៖

១. 𝐃𝐞𝐞𝐩𝐒𝐞𝐞𝐤 វិនិយោគថវិកាអស់តិចតួច (រង្វង់ ៦លានដុល្លារអាមេរិក) បើធៀបនឹងកម្មវិធី AI Chatbot ដែលធ្លាប់បានវិនិយោគកន្លងមករាប់ពាន់លានដុល្លារអាមេរិក។

២. 𝐃𝐞𝐞𝐩𝐒𝐞𝐞𝐤 មិនបានប្រើប្រាស់ឈីប AI របស់ក្រុមហ៊ុន Nvidia ដែលជាក្រុមហ៊ុនផ្គត់ផ្គង់ឈីបដ៏ល្បីល្បាញសម្រាប់គាំទ្រដល់ដំណើរការ AI។ នេះពាក់ព័ន្ធនឹងការប្រកួតប្រជែកផ្នែក Semiconductor ដែលនឹងជះឥទ្ធិពលដល់ការប្រែប្រួលនៃសង្គ្រាមឈីបរវាងអាមេរិកនិងចិន។

ប្រភព៖ https://cna.asia/4hyrx70